રસ્તો જોતા લાગે કે છેલ્લા કેટલાય વર્ષોથી રસ્તો ખરાબ હોય ત્યારે હાલના કોંગ્રેસી ધારાસભ્ય પોતાના પ્રચારમાં વિકાસ થયો હોવાની મોટી મોટી વાતો કરે છે

જામનગર મોર્નિંગ - જામનગર


વિધાનસભાની ચૂંટણીને ગણતરીના દિવસો બાકી છે ત્યારે દરેક પક્ષના ઉમેદવારો દ્વારા જીતવા માટે એડીચોટીનું જોર લગાડવામાં આવે છે ત્યારે કાલાવડમાં કોંગ્રેસના ધારાસભ્ય પ્રવીણભાઈ મુસડીયા દ્વારા પોતાના પ્રચાર દરમ્યાન મોટી મોટી વાતો કરતા હોય છે કે ધારાસભ્યના સમયગાળા દરમ્યાન રોડ રસ્તામાં લાખો રૂપિયા પાસ કરાવ્યા હોય તેવી મોટી મોટી વાતો કરતા હોય છે જ્યારે ગ્રાઉન્ડ લેવલથી કામો થયા નથી એવું સામે આવ્યું છે જેમાં નવાગામ થી ચાવંડી જતો 3 કિલોમીટરનો રસ્તો ગાડા માર્ગ હોય તેવા દ્રશ્યો સામે આવ્યા છે તેમજ નવાગામ થી વાવડીનો રસ્તો પણ બિસ્માર હાલતમાં જોવા મળ્યા છે. જ્યારે સ્થાનિક લોકો સાથે વાતચીતમાં જણાવ્યું કે છેલ્લા કેટલાય સમયથી આ બન્ને રસ્તાઓ આ સ્થિતિમાં છે ત્યારે સતા પક્ષ કે વિપક્ષને આ રસ્તા નજરે નહીં ચઢતાં હોય કે શું તે મોટો પ્રશ્ન બન્યો છે.