જામનગર મોર્નિંગ - જામનગર : લાલપુર પોલીસ સ્ટેશન હેઠળના દારૂના ગુન્હાઓમાં નાસ્તા-ફરતા બે આરોપીઓને રાજકોટ આરઆરસેલની ટીમે પોરબંદર પંથકમાં વોચ ગોઠવી ઝડપી લીધા છે અને લાલપુર પોલીસ મથકમાં સુપ્રત કરી દીધા છે.
મળતી વિગત મુજબ પોરબંદર જિલ્લાના રાણાવાવના વતની લાખાભાઇ લાલાભાઇ મોરી નામના 23 વર્ષના રબારી શખ્સ સામે લાલપુર પોલીસ મથકમાં દારૂબંધી બદલનો ગુન્હો નોંધાયો હતો અને તેમાં પોતે ફરારી હોવાથી તેનું 70 મુજબનું વોરંટ ઇસ્યુ કરાયું હતું જેને રાજકોટ આરઆરસેલની ટીમે પોરબંદર જિલ્લામાંથી પકડી પાડ્યો છે અને લાલપુર પોલીસ મથકમાં રજૂ કરી દીધો છે.
જયારે પોરબંદર જિલ્લાના રાણાવાવ તાલુકાના બોડીયાનેશ ગામના બધાભાઇ વેજાભાઇ મોરી નામના માલધારી રબારી શખ્સ સામે પણ લાલપુર પોલીસ મથકમાં દારૂબંધી ભંગ બદલ ગુન્હો દાખલ કરાયો હોવાથી આરઆરસેલની ટીમે ધરપકડ કરી લઇ લાલપુર પોલીસ મથકમાં સુપ્રત કરી દીધો છે.
0 Comments
Post a Comment