Breaking News

ચાપરા ગામે પાન-બીડીની દુકાનમાં તસ્કરોનો હાથફેરો

મોબાઇલ ફોન-રોકડ રકમની ચોરી કરી લઇ ગયાઃ 19 હજારની મત્તા ગાયબ

જામનગર મોર્નિંગ,6/1 જામનગર : કાલાવડના ચાપરા ગામે પાન-બીડીની દુકાનમાં તસ્કરોએ ત્રાટકી મોબાઇલ ફોન અને રોકડ રકમની ચોરી કરી લઇ ગયાની દુકાનદારે પોલીસમાં ફરિયાદ નોંધાવતા કાલાવડ ગ્રામ્ય પોલીસે ચોરીના આ બનાવ અંગે વધુ તપાસ હાથ ધરી છે.
મળતી વિગત મુજબ કાલાવડ તાલુકાના ચાપરા ગામે રહેતા વાલજીભાઇ ગાંડુભાઇ ટોયટા નામના વેપારીની પાન-બીડીની દુકાનનો દરવાજો ખોલી કોઇ તસ્કરો અંદર પ્રવેશી દુકાનમાંથી રુપીયા 11 હજારની કિંમતનો મોબાઇલ ફોન તથા રુપીયા 8 હજારની રોકડ રકમ સહિત કુલ મળી રુપીયા 19 હજારની માલમત્તા ચોરી કરી લઇ ગયાની તેઓએ કાલાવડ ગ્રામ્ય પોલીસમાં ફરિયાદ નોંધાવતા એએસઆઇ જે. કે. રાઠોડ આગળની તપાસ ચલાવી રહ્યા છે.

No comments