સામાન્ય બાબતે ડખ્ખો કરી પાઈપ ફટકાર્યો 
જામનગર મોર્નિંગ - જામનગર 
જામનગરમાં યુવાન ઉપર ચાર શખ્સે ઝગડો કરવા સબબ સ્થાનિક પોલીસમાં ફરિયાદ નોંધાઈ છે. 
મળતી વિગત મુજબ જામનગરમાં મયુરનગર ત્રણ માળીયા ગોળાઈ પાસે ધરારનગર ખાતે રહેતા અને ફેબ્રીકેશનનો વ્યવસાય કરતા મનોજ જેન્તીલાલ રાઠોડ નામના 32 વર્ષના યુવાનને લાલો ગઢવી, અમીત કોળી, વિજય માણેક અને માલો ગઢવી નામના ચાર શખ્સે ગાળો કાઢી લોખંડનો પાઈપ ફટકારી હાથમાં ફ્રેક્ચરની તથા શરીરના અન્ય ભાગે ઢીંકાપાટુ ફટકારી ઈજા પહોંચાડવા સબબ મનોજ રાઠોડ સીટી સી ડિવીઝનમાં ફરિયાદ નોંધાવી છે. 
ઈજાગ્રસ્ત તેના મિત્ર સુલતાન પાસે વામ્બે આવાસમાં ઉછીના પૈસા લેવા જતો હોય દરમિયાન આરોપીઓને હુસેન અંસારી, બસીર સાથે જૂનો ઝગડો હોઈ "તું માહિતી લેવા આવેલ છો" તેમ જણાવી ફટકાર્યો હતો.