Breaking News

ગ્રામ પંચાયતની ચૂંટણી-૨૦૨૧ અન્વયે આવતીકાલ મત ગણતરીના દિવસે ધ્રોલ ખાતે ગાંધીચોક થી ત્રિકોણબાગ સુધી વાહનવ્યવહાર માટે પ્રતિબંધ ફરમાવાયો

જામનગર મોર્નિંગ - જામનગર 

ગ્રામ પંચાયતની ચૂંટણી-૨૦૨૧ અન્વયે હરધ્રોલ હાઈસ્કૂલ, ધ્રોલ ખાતે તા.૨૧/૧૨/૨૦૨૧ના રોજ મતગણતરીની કામગીરી થનાર છે. આ વિસ્તારમાં ચૂંટણી કામ સબબ પેટ્રોલિંગ મોબાઇલ વાહન, સરકારી/ખાનગી બસોની અવરજવર તથા ચૂંટણી લગત અન્ય કામગીરી થવાની હોય અને આ સમય દરમ્યાન ધ્રોલ નગરમાં ટ્રાફિક વધારે થતો હોય, કોઈ અકસ્માત કે જાનહાનિ ન થાય તેમજ કાયદો અને વ્યવસ્થાની પરિસ્થિતિ જળવાઇ રહે તે હેતુથી અધિક જિલ્લા મેજીસ્ટ્રેટ જામનગર શ્રી મિતેષ પી. પંડ્યા દ્વારા આવતીકાલ તા.૨૧/૧૨/૨૦૨૧ના સવારે૬:૦૦ કલાકથી સાંજના ૧૭:૦૦ કલાકના સમયગાળા માટે ગાંધીચોક થી ધ્રોલ ત્રિકોણ બાગ સુધી તમામ વાહનોને પ્રવેશ કરવા ઉપર પ્રતિબંધ મુકવા જાહેરનામું બહાર પાડવામાં આવેલ છે.

આ જગ્યાએ ટ્રાફિક જામની સ્થિતિ નિવારવા વૈકલ્પિક રસ્તાઓ ઉપરથી વાહનોની અવરજવર થઇ શકશે, જેમાં ગાંધીચોક થી ત્રિકોણબાગ તથા રાજકોટ-પડધરી જવા માટે ગાંધી ચોકથી શાકમાર્કેટ થઈ કનૈયા હોટલ સુધીના બાવની નદીવાળો રસ્તો ઉપયોગ કરી શકાશે.

પ્રતિબંધિત રૂટ પર ગ્રામ પંચાયતની ચૂંટણી અન્વયે ફરજમાં રોકાયેલ તમામ વાહનો તથા ઈમરજન્સી સેવામાં રોકાયેલ એમ્બ્યુલન્સ, એક્ઝિક્યુટિવ મેજિસ્ટ્રેટ તથા ફાયર સર્વિસ અવર જવર કરી શકશે. આ હુકમનો ભંગ કે ઉલ્લંધન કરનાર અધિનિયમની કલમ-૧૩૧ મુજબ શિક્ષાને પાત્ર થશે.

No comments